Өмірін құрбан еткен полицейлердің ерлігі

Ішкі істер министрлігі тәртіпсіздіктер кезінде қаскүнемдерге қаруды иемденуге мүмкіндік бермей, ерлікпен қаза тапқан полиция қызметкерлері туралы айтты.

Ведомствоның мәліметіне сәйкес, 5 қаңтарда атыс қаруымен, гранаталармен және отты қоспасы бар бөтелкелермен қаруланған бір топ адам Алматы қаласының Алмалы аудандық полиция бөліміне шабуыл жасаған. Қаскүнемдер ғимаратты басып алып, кезекші бөлімнің қару-жарақ бөлмесіндегі қару-жарақты иемденуді көздеген.

«Шабуылды тойтару үшін полиция қызметкерлерінің шағын тобы шықты: осы уақытқа дейін тәртіп сақшыларының көпшілігі күшейтіліп, қала көшелерінде қызмет етті. Әкімшілік ғимаратты қорғау кезінде тәртіп сақшылары әуеге ескерту оқ атты, бірақ шабуылдаушылар оған реакция білдірмеді және шабуылды жалғастыра берді», - деді Ішкі істер министрлігінде

Атыс кезінде 28 жастағы аға сержант Аллен Асылханов пен 33 жастағы полиция басқармасының көлік жүргізуші-полицейі Ринат Камбетов қаза тапты.

«Ерлікке толы жанкештілігімен олар өздерінің әріптестерін құтқарып қалды және шабуыл жасағандарға қаруды иемденуге мүмкіндік бермеді. Олар өз өмірлерінің құнымен полиция бөлімшесін сақтап қалды» деп атап өтті министрлікте.

Сержант Ален Асылханов 1993 жылдың 15 наурызында дүниеге келген. Орта білім алып, 2002 жылы Үшқоңыр колледжін «Су шаруашылығы» мамандығы бойынша бітірген. Органда 2015 жылдан бастап қызмет еткен. Асылхановтың 2020 жылы ұлы дүниеге келген.

Полиция басқармасының көлік жүргізуші-полицейі Ринат Камбетов 1988 жылы 2 тамызда дүниеге келген. Соңғы лауазымында 2018 жылдан бастап, органдарда 2010 жылдан бастап жұмыс істеген. Камбетовтың артында 2017 және 2021 жылдары туған екі баласы қалды.

9 қаңтарда президент Қасым-Жомарт Тоқаев әскери және қызметтік борышын атқару кезінде көрсеткен ерлігі мен жанқиярлығы үшін, сондай-ақ мемлекет мүдделерін қорғау кезінде жасаған ерліктері үшін қайтыс болғаннан кейін Ален Мұхитұлы Асылханов пен Ринат Талғатұлы Қамбетовты ІІІ дәрежелі «Айбын» орденімен марапаттады.