ҰҚК төрағасының орынбасары Әмірханов Самат Әбіштің қайда екенін айтты

ҰҚК төрағасының орынбасары Асқар Әмірханов Самат Әбіш қаңтар оқиғасының ісі бойынша куәлік бергенін және Қазақстанда екенін айтты.

Бұл ретте Комитет төрағасының орынбасары оның іс жүргізу мәртебесін нақтылаған жоқ.

– Самат Әбіш те тергеуде. Ол қаңтар оқиғасы бойынша куәлік береді, - деді Әмірханов журналистерге жауап беріп.

ҰҚК төрағасының орынбасары Самат Әбішке қатысты іс жүргізу мәртебесі белгісіз екенін атап өтті.

– Мен оны өзім көрмедім. Менің ойымша, тергеу жүріп жатыр, - деді ол.

Еске салайық, Ұлттық қауіпсіздік комитетінің бұрынғы басшылығы Кәрім Мәсімовке, Әнуар Садырқұлов пен Дәулет Ерғожинге қатысты мемлекеттік төңкеріс ұйымдастыру, билікті күшпен басып алу және лауазымдық өкілеттіктерін асыра пайдалану фактілері бойынша тергеу жүргізіліп жатыр.

17 қаңтарда мемлекет Басшысы Қасым-Жомарт Тоқаев Самат Әбішті ҰҚК төрағасының бірінші орынбасары қызметінен босатты.