Мира Мұстафина атындағы марапатқа 9 отандық журналист ілінді

Еліміздегі әйелдер күштері Альянсын құрған Мира Мұстафина сыйлығын тоғыз қазақстандық журналист алды.

Байқауға Қазақстанның барлық аймақтары БАҚ өкілдерінен 45 өтініш келіп түсті. Олар қазақ және орыс тілдерінде 100-ден астам жұмыс жіберді.

«Пандемиядан кейінгі кезеңдегі әйелдерге арналған жаңа мүмкіндіктер» отырысында қазылар алқасы дауыс беру нәтижелерін жариялады. Іс-шара онлайн режимде өтті. Жеңімпаздар:

• Фрилансер Зульфия Раисова - Қазақстандағы әйелдер мәртебесін көтеруге қосқан үлесі үшін сыйлық;
• «Караван» газетінің журналисі Нелия Садықова - Қазақстандағы әйелдер денсаулығын сақтауға қосқан үлесі үшін марапат;
• Informburo.kz тілшісі Айдана Шибикеева - «2021 жылдың үздік бұқаралық ақпарат құралдары: Қазақстандағы отбасылық және гендерлік саясатты іске асыруға қосқан үлесі үшін»;
• Manshuq, Holanews порталдарының журналисі Мөлдір Жұмабаева - қазылар алқасының арнайы жүлдесі;
• Tengrinews журналисі, доцент Айнаш Хаметжанова - қазылар алқасының арнайы сыйлығы;
• Egemen Qazaqstan журналисі Айнаш Есалы - қазылар алқасының арнайы сыйлығы;
• «Оңтүстік Қазақстан» газетінің журналисі Алиса Масалева - қазылар алқасының арнайы сыйлығы;
• Egemen Qazaqstan журналисі Ая Өміртай - қазылар алқасының арнайы сыйлығы;
• «Каспий коммунасы» журналисі Анжела Ли - қазылар алқасының арнайы сыйлығы.

Белгілі қазақстандық журналист Мира Құдабаева-Мұстафина 2020 жылы шілдеде қайтыс болды. Ол «Литер» газетінде 10 жылдан астам жұмыс істеді. Мира Мустафина өмір сүру сапасын жақсарту және қазақстандық әйелдердің әлеуметтік рөлі, гендерлік теңдік, отбасылық мәселелерді жарыққа шығаруға үлкен үлес қосты.

Мира Мустафина сыйлығы қоғамдағы әйелдердің мәртебесін жан-жақты қамту арқылы қыздар мен әйелдердің репродуктивті денсаулығы мен өмір сапасының өзекті проблемаларын шешу жолдарын ұсыну, зорлық-зомбылықтың кез-келген түрін жою және қоғамды насихаттау мақсатында құрылған.