Минскіде айғақ бергені үшін дәрігер мен журналист түрмеге жабылды

Минскідегі сот «БСМП» дәрігері Артем Сорокин мен TUT.BY журналисі Катерин Борисевичті наразылық акциясына қатысушы Роман Бондаренконың қайтыс болғаны туралы мәліметтерді жария еткендері үшін соттады, деп хабарлайды ORDA.

«МБХ Медия» мәліметінше, Сорокин екі жылға, Борисевич алты айға бас бостандығынан айрылды.

Өткен жылдың қараша айында олар билікке наразылық кезінде қауіпсіздік күштері өлтірген Роман Бондаренконың мас екендігі туралы нұсқасын ашық түрде жоққа шығарды. Содан кейін TUT.BY сайтында дәрігердің алғашқы тексеру құжатын жариялады. Онда Бондаренконың мас екендігі көрсетілмеген. Қандағы алкогольдің болмауы соңғы медициналық қорытындыда расталды.

Роман Бондаренко 11 қараша күні кешке өз үйінің ауласына шыққанда оны белгісіз адамдар (БАҚ-қа сенсек маска таққан полиция қызметкерлері) ұрып-соққан. Содан кейін азамат ауруханада қайтыс болды.