Министрлікті сынға алған депутат ескерту алды

Мәжіліс депутаты Бақытжан Базарбек министрлерді «заң талаптарын елемеді» деп айыптады, деп хабарлайды Orda.kz.

Базарбектің айтуынша, цифрлық даму, инновациялар және аэроғарыш өнеркәсібі министрлігі  жер учаскелерін электрондық тексерулерді ашу үшін жүйе құруы тиіс еді, бірақ құрылмады. Депутат министрлік бұл мәселені бір ай ішінде шешуі керек екенін еске салды.

«Егер бұл орындалмаса, президент саясатын бұзу деп санаймын»,  деп қорытындылады Базарбек. 

Мәжіліс төрағасы Ерлан Қошанов депутатқа жауап ретінде ескерту жасады.

«Бақытжан Базарбек, сіз бүкіл министрлікті президент саясатын орындамады деп айыптап тұрсыз, бұл — өте ауыр айып. «Мемлекет басшысының міндеттері ішінара орындалды» деп айту дұрысырақ болар еді, сондықтан әр сөзіңізді бақылап сөйлеңіз», – деді ол.