Министрлікте жоғары лауазымды қызметкер пара алды деген күдікке ілінді

Антикор Ауыл шаруашылығы министрлігі Балық шаруашылығы комитетінің төрағасына және басқа да тұлғаларға қатысты соталды тергеу амалдарын жүргізіп жатыр, деп хабарлайды Orda.kz порталы.

Антикордың ресми өкілі Данияр Бегайдаровтың сөзіне сүйенсек, күдікті қазір үйқамаққа алынып, қолына электронды  білезік тағылған.

«Олар жалпы қамқорлық жасағын үшін 2021-2024 жылдар аралығында шағын және орта бизнес өкілдерінен жүйелі негізде пара алды деп күдіктеліп отыр. Ол (Комитет төрағасы – еск.) өз кінәсін толық мойындап, қазір тергеумен ынтымақтасып жатыр», - деді Бегайдаров.