Министрлік МӘМС төлемейтін тұлғаларды көлік жүргізу құқығынан айыру ұсынысынан бас тартты

Денсаулық сақтау бірінші вице-министрі Тимур Сұлтанғазиев министрлік экс-министр Ажар Ғинияттың МӘМС жүйесіне тіркелмегендерді көлік жүргізу құқығынан айыру туралы ұсынысы кереғар екенін мәлімдеді, деп хабарлайды Orda.kz порталы.

«Қазір бұл мәселе күн тәртібінде жоқ. Біз адамдарды медициналық сақтандыру жүйесіне тартудың басқа тетіктерін қарастырып жатырмыз. Ең алдымен, әкімдіктер арқылы халықтың әлеуметтік осал санаттарын жүйеге тарту қажет. Өйткені жергілікті атқарушы билікте тиісті тетіктер бар», - деді Тимур Сұлтанғазиев Сенат аумағында.

Айта кетейік, бұрынғы  денсаулық сақтау министрі Ажар Ғиният МӘМС жүйесіне тіркелмегендерді көлік жүргізу құқығынан айыруды ұсынған еді.

«Жарна төлемейтін - МӘМС жүйесіне тіркелмеген адамдарға мемлекеттік қызметтер алу кезінде шектеулер енгізу ұсынылады. Мысалы, көлік жүргізу, қару-жарақ сақтау және тағы басқа», - деген еді экс-министр.