Министрлік өкіліне дөрекілік танытқан 6 әйелге айыппұл салынды

19 шілдеде бір топ екпеге қарсы ашулы әйелдер Министрлік үйіне баса-көктеп кірмек болды.

 Бұл туралы Orda.kz полиция департаментіне сілтеме жасап хабарлаған болатын.

Полиция қызметкерлеріне тіл тигізіп қана қоймай, жұдырық ала жүгірген бір топ ана күзетшілер мен денсаулық сақтау министрлігі  қызметкерлеріне де дөрекілік көрсеткен.  

Бұған дейін де Денсаулық сақтау министрлігінің жауапты қызметкерлері оларды сөзге тартып, мәселені түсінуге және олардың шешімін табуға тырысқандарын мәлімдеген болатын. Дегенмен  әйелдердің  оларға балағат сөз айтып, беттерінен ұрып,  киімдерінен тартып,  жұлқылағандығы да қоғамда сөз болды.

Енді аналардың осы әрекеттері әкімшілік тұрғыда жауапқа тартылуда. Мұндай әрекеттер   заң бойынша әкімшіліктен қылмыстық жауапкершілікке дейін қудаланауы мүмкін.

Заңға қайшы және бұзақылық әрекеттері үшін 6 әйел әкімшілік жауапкершілікке тартылып, әрқайсысына 25 АЕК мөлшерінде айыппұл салынды.