«Министр уәде берді»: Ербаянды Германияға аттандыруға дайындық басталды

Ербаянның ата-анасы баласын 23 қыркүйек, яғни дүйсенбіден бастап Астанадағы нейрохирургия орталығына жатқызуға келісті. Ербаянды Германияға апару үшін дайындық осы орталықта жүргізілмек, деп Orda.kz хабарлайды.

Жақындары палатада бірге болады. Дәрігерлер үйде ұзақ жолға дайындалу мүмкін емес екенін айтты. 

Адвокат Инга Иманбай өзінің instagram парақшасында денсаулық сақтау министрі Ақмарал Әлназарова Ербаянның ата-анасына емдеу процесін өзі бақылауда ұстайтынын және оның қауіпсіздігін қамтамасыз ететінін мәлімдегенін айтты.

«Министр уәде беріп тұрғанда ол жерде Ербаянға қиянат жасауға ешкім батпайды деп үміттенеміз. Десек те, Ербаянның қазіргі жағдайы жақсы әрі тұрақты екенін ескертеміз. Оның аман-есен жолға дайындалып, Германияда емін жалғастырады деп күтеміз. Бізбен бірге Ербаянның тілеуін тілеп отырған әрқайсысыңызға ата-анасының атынан алғыс білдіреміз» деп жазды адвокат Инга Иманбай. 

Еске сала кетсек, Orda.kz Ербаянның жақындарымен сұхбаттасқан болатын.