Министр Сырым Шәріпханов Алматыдағы жер сілкінісі жағдайын баяндады

Бұл мәселе үкімет отырысында күн тәртібінен тыс қаралды.

23 қаңтар күні сағат 00:09-да Алматыдан 264 шақырым жерде Қырғызстан мен Қытай шекарасында жер сілкінісі тіркелді. Нәтижесінде Алматыда – бес балл, Шымкентте – екі балл, Жамбыл облысында – екі-үш балл және Жетісу облысында – төрт баллдық ең жоғары сезілетін бірқатар сейсмикалық құбылыстар тіркелді.

Алдын ала мәлімет бойынша, ғимараттар мен құрылыстардың қирауы болмаған.

«Төтенше жағдайлар министрлігіне дереу республикалық жедел штаб орналастырылды, аумақтық деңгейде де осындай штабтар жұмыс істеді. Төтенше жағдайлар министрлігінің психологтарының көмегімен сенім телефондары құрылды. Өңірлердің азаматтық қорғау мемлекеттік жүйесінің күштері мен құралдары жоғары дайындық режиміне қойылды, командалық-штабтық көліктер жұмылдырылды, авариялық-құтқару бөлімшелерінің топтары мен халықты құлақтандыру жүйесі толық әзірлікте» деді төтенше жағдайлар министрі Сырым Шәріпханов.

Болжамдарға сәйкес, Алматыда күшті және жойқын жер сілкінісі күтілмейді.

Төтенше жағдайлар министрлігі өңір тұрғындарын үрейленбеуді және ресми ақпарат көздеріне сенбеуді сұрайды.