Министр Саясат Нұрбек үкіметте сым өртеп жіберді

Ғылым және жоғары білім министрі Саясат Нұрбек қысқа тұйықталуға өртенбейтін жаңа электр сымын өртеді, деп хабарлайды Orda.kz.

Министр электр сымын сынау мақсатында оны жанып тұрған оттыққа тақады. Салдарынан министрдің өзі саусағын сәл күйдіріп алды.

«Біз қысқа тұйықталу кезінде жанбайтын кабельдерді жасай бастадық. Өрттің негізгі себебі – сымның балқуынан, бұның соңы үлкен өрте әкелуі мүмкін. Біз тұтанбайтын, зиянды заттар шығармайтын кабель шығаруды ұйғардық», – деді министр.

Сондай-ақ, министр бұл кабельдердің экспортқа шыға бастағанын атап өтті.