Министр Саясат Нұрбек жерді шетелдіктерге беруге қарсы митингілердің рөлі туралы айтты

Жаңа ғылым және жоғары білім министрі Саясат Нұрбек Алматыдағы жерді шетелдіктерге беруге қарсы митингідегі оның рөлі туралы айтты.

2016 жылы Жер кодексіне енгізілген өзгертулерге қарсы наразылық басталғанда Нұрбек Алматы қалалық ішкі саясат басқармасының басшысы қызметін атқарды. Желіде оның наразылық білдірушілер мен журналистерді ұстауға өзі бұйрық бергені туралы ақпарат тарап жатыр.

Алайда министр ол кезде өзі басқаратын мекеменің полиция мен прокуратураны басқаруға, адамдарды ұстауға бұйрық беріп, қамауға алуға рұқсат беруге құзіреті жоқ екенін айтты.

«Құдай сақтасын, қан төгілмесін, кейбір заң бұзушылықтар орын алсын деп, заңды сақтаймын деп осы митингіге шығуға мәжбүр болдым. Сол жылдардағы қаралы оқиғалар естеріңізде болса, мен басынан аяғына дейін оқиға орнында болып, процесті бақылауға тырысқан санаулы мемлекеттік қызметкерлердің бірі едім. Мен жер митингісінен кейін бірден арыз жазып, жұмыстан шығып, жеке ұстанымымды білдірдім» деді министр үкімет отырысынан кейін.

Еске салсақ, Саясат Нұрбек 11 маусымда Ғылым және жоғары білім министрі болып тағайындалды.