Министр ҚазҰУ-дағы "пәк қыздардың тізіміне" қатысты пікір білдірді

әл-Фараби атындағы қазақ ұлттық университетінің WhatsApp-тағы тобында әлдекім бірінші курстан төртінші курсқа дейінгі студент қыздардың тізімі бар құжаттарды жария етті. Қыздардың толық аты-жөнінен бөлек, олардың ЖСН, телефондары мен медициналық деректері, соның ішінде... қайсысының пәк, қайсысының пәк емес екені туралы мәліметтер болған. Бұл құжаттар чаттарда дереу тарап кетті. Бұл туралы Qumash Telegram-каналы жазды.

Ғылым және жоғары білім министрі Саясат Нұрбек бұған қатысты пікір білдірді. Оның айтуынша, ведомство бұл істі өз бақылауына алған, бірақ кінәлілер әлі табылмаған.

"Бұл мәселені жеке деректерді қорғау туралы заңнамамен қатаңырақ реттеу қажет екенін мойындауымыз керек. Жалпы, бұл мәдени мәселе. Жеке куәлікті қанша рет жібереміз. Университетте мұндай фактілердің болғаны өкінішті", - деді Саяат Нұрбек мәжіліс кулуарында.

Ол Қазақстанда жеке деректерді қорғау туралы заңнаманы қатаңдату қажет екенін де айтты.