Министр Бейбіт Атамқұлов баспана бағасы туралы айтты

ҚР Индустрия және инфрақұрылымдық даму министрі Бейбіт Атамқұлов пәтерлер мен көліктердің бағасына қатысты болжамымен бөлісті.

«Хабар 24» арнасының «Ұлттық мүдде» бағдарламасында ол қазақстандықтардың көкейінде жүрген сауалдардың біріне жауап берді.

Оның айтуынша, қазір Индустрия министрлігі жылжымайтын мүлік бағасының күрт көтерілуіне жол бермеу үшін құрылыс материалдарын шығаратын жаңа өндіріс орындарын ашумен айналысуда.

– Біз өндіретін бірқатар материалдар бар. Бүгінгі таңда 35 жоба жоспарланған, - деді ҚР Индустрия және инфрақұрылымдық даму министрі.

Атамқұловтың айтуынша, Қазақстанда санитарлық-техникалық және керамикалық бұйымдар шығарылатын болады. Республикада керамикалық бұйымдарды шығарумен үш зауыт айналысады, бірақ бұл көлем әлі де жеткіліксіз болып саналады.

– Біз тағы үш кәсіпорынды (іске қосуды) жоспарлап отырмыз және керамикалық плиткаға қажеттілігімізді 100% өтейміз, - деді министр.

Журналистің өндірісті іске қосу тұрғын үй бағасының төмендеуіне әкеле ме деген сауалына жауап берген министр «инфляция импорты алынып тасталады» деп жауап берді.

Сондай-ақ министр Бейбіт Атамқұлов тұрғын үй бағасына қатысты өз болжамын айтты.

– Менің болжамым бойынша, біздің құрылыс компаниялары іске қосып жатқан шаршы метр сұраныстың артуына байланысты баға тұрақталады, - деді министр.