Министр Ахметжановтың Әбіш Кекілбаевпен болған оқиғасы елді тәнті етті

ҚР Ішкі істер министрі Марат Ахметжанов оның шығу тегі туралы сұраққа жауап беріп, жазушы Әбіш Кекілбаевпен болған оқиғамен бөлісті.

Бұл туралы ҚазТАГ хабарлайды.

– Мен қазақ елінің азаматымын ғой. Жұмыс істегенімде Ертіс жағасында, Жайықтың жағасында, Қаратау мен Алатаудың бөктерінде, Сарыарқада жұмыс істедім. Жетісу өңірінде жұмыс істедім. Бұл жерлердің бәрі ыстық, бірақ 19 жыл бұрын қызметімді Павлодар облысынан бастап едім. Павлодар, Ертіс, Баян жері маған өте ыстық, – деді Ахметжанов жұма күні Павлодар облысының тұрғындарымен кездесуінде.

Баянауыл туралы да өз өмірінің үзіндісімен бөлісті.

– 2004 жылы көрнекті жерлесіміз Әлкей Марғұланның 100 жылдығын мерекелеуге сол кездегі мемлекеттік хатшы Әбіш Кекілбаев пен сенат спикері Оралбай Әбдікәрімов келді. Ал той Баянауылда болып, облыс басшылығымен бірге Баянауылға келгенімізде сол жерде кішкентай балалар ат тізгінін жетектеп: «Ата, отырыңыз, мініңіз!, – деді деп еске алды ішкі істер министрлігінің басшысы.

Министрдің айтуынша, облыс басшыларының бірі: «Мына балаларды алып кетіңіздер, олар мұнда неге жүр?» деп айғайлады.

– Әбіш Кекілбаев ашулана бұрылып, тым қатал үнмен: «Айналайын, бері қара, тыңда! Баянауылда аяғыңның астында жатқан тасты теппейсің, Майқайың алтыны болып шығуы мүмкін. Баянауылда бүйірінде шоқпары бар кез-келген балаға жақындап, иіліп сәлем беру керек. Ол – болашақ академик шығар, болашақ халық әртісі шығар. Маған қарап: «Ең нашары генерал болады!», – деген болатын деп еске алды Ахметжанов.