Міндетті медициналық сақтандыру төлемдері 2022 жылы өседі

Қазақстанда 1 қаңтардан бастап ең төменгі жалақының өсуіне байланысты міндетті әлеуметтік медициналық сақтандыру бойынша жарналар мен аударымдар мөлшері өзгереді.

2022 жылдың 1 қаңтарынан бастап ең төменгі айлық жалақының мөлшері 60 мың теңгені (қазір 42 500 теңге), айлық есептік көрсеткіш 3 063 теңгеге (қазір 2 917 теңге) дейін өседі.

Әлеуметтік медициналық сақтандыру қорының мәліметінше, жұмыс берушілер қызметкерге оның жалақысының 3 пайызын, бірақ ең төменгі жалақының 10 мөлшерінен, яғни 18 мың теңгеден аспайтын мөлшерде төлейді.

Оның үстіне:

• жұмыскерлер, оның ішінде келісім-шарттары бойынша табыс алатындар, кірістерінің 2% төлейді, бірақ 12 мың теңгеден аспайды;
• жеке кәсіппен айналысатын тұлғаларға – ең төменгі жалақының 1,4 еселенген мөлшерінің 5% немесе 4200 теңге;
• Бірыңғай жиынтық төлем: қала тұрғындары үшін – 1 АЕК, немесе 3063 теңге; ауыл тұрғындарына – 0,5 АЕК немесе 1 531,5 теңге;
• тәуелсіз төлеушілер – ең төменгі жалақының 5% немесе 3 мың теңге.

Мемлекет 15 артықшылықты санаттағы азаматтарды төлейтін болады, бүгінде ол 11 миллионнан астам адамды құрайды.

Бір адамға төленетін жарна мөлшері 3614,2 теңгені құрайды.