Миллиардер швейцариялық банкир Бенджамин де Ротшильд қайтыс болды

Барон Бенджамин де Ротшильд жұма күні 57 жасында қайтыс болды, деп хабарлайды Le Parisien оның отбасына сілтеме жасап. Өлім себебі - инфаркт.

Бенджамин де Ротшильд 1997 жылы, оның әкесі Эдмонд де Ротшильд қайтыс болғаннан кейін, ірі жеке қорлар мен активтерді басқаруға мамандандырылған Эдмонд де Ротшильд холдингінің директорлар кеңесін басқарды.

Холдингтің Франция мен Швейцария банктерін, мейрамханалар мен қонақ үйлерді қоса алғанда, жалпы құны 175 миллиард доллардан асатын активтері бар.

Бенджамин де Ротшильд Forbes Real-Time-ның нақты уақыттағы рейтингісіне сәйкес 1,5 миллиард долларлық байлығымен Швейцарияның 33-ші бай адамы болып тұр.

Эдмонд де Ротшильд банкирлер әулетінің Швейцария бағытын құрды, деп жазады Bloomberg. Агенттік оның француздық Rotschild & Cie банкімен өз фамилиясын қолдану үшін күрескенін жазады. Нәтижесінде, тараптар бизнесті құру кезінде тек өздерінің аты-жөндерін ғана қолдануға келіскен.