Миллиардер Гаутам Адани Астанаға іссапармен келді

Үндістанның «Adani Group» конгломератының басшысы Гаутам Адани делегациямен бірге Қасым-Жомарт Тоқаевпен кездесуге келді.

Сондай-ақ Премьер-Министр Әлихан Смайыловпен және орталық мемлекеттік органдардың басшыларымен кездесулер жоспарланған.

Кездесулерде логистика, энергетика, газ және мұнай-химия және т.б. салалардағы екіжақты ынтымақтастық мәселелері талқыланады.

2022 жылдың қарашасында Adani тобының жалпы нарықтық капитализациясы рекордтық 280 миллиард долларға жетті (2015 жылғы 16 миллиард доллардан 17 есе өсті).

Құны бір триллион долларды құрайтын элиталық жаһандық компаниялар клубына қосылуды мақсат еткен Adani Group экономиканың әртүрлі салаларына (жасыл энергетика, дата орталықтары, әуежайлар және т.б.) шамамен 150 миллиард доллар инвестициялауды жоспарлап отыр.