Михаил Ломтадзе Forbes бойынша Грузияның ең бай азаматы атанды

Kaspi.kz банкінің басқарма төрағасы және негізін қалаушылардың бірі Михаил Ломтадзе Forbes мәліметтері бойынша Грузияның ең бай азаматы болды.

Бұл туралы Orda.kz хабарлайды.

Кәсіпкердің жағдайы 5,1 млрд долларға бағаланады.

Ол тізім бойынша миллиардер және «Грузин арманы» партиясының негізін қалаушы Бидзина Иванишвилиді басып озды.

Forbes мәліметтері бойынша, Михаил Ломтадзенің жинағы 5,1 миллиард долларды құрайды. Әлемдегі ең бай адамдардың тізімінде ол 597-ші орында, ал Бидзина Иванишвилидің байлығы 4,8 миллиард долларға бағаланып 632-ші орынға тұрақтаған.

2021 жылдың мамыр айында Kaspi.kz басшысы қазақстандық Forbes тізімінде үшінші орынға орналасқан болатын. Сол кезде Ломтадзенің жағдайы 3,9 миллиард долларға бағаланды. Ал бірінші орынды 4,7 млрд доллармен Владимир Ким иеленді.

Михаил Ломтадзе Грузия азаматы. 2017 жылы берген сұхбатында ол қазақстандық паспортты алуды жоспарламайтынын хабарлаған болатын.