Михаил Ломтадзе «Достық» орденімен марапатталды

Қасым-Жомарт Тоқаевтың Жарлығына сәйкес Kaspi.kz сайтының басшысы және тең құрылтайшысы Михаил Ломтадзе ІІ дәрежелі «Достық» орденімен марапатталды.

Айта кетейік, «Достық» ордені – қоғамдағы өзара келісімді сақтаудағы жемісті еңбегі, бейбітшілікті, халықтар арасындағы достық пен ынтымақтастықты нығайтудағы қызметі үшін берілген марапат.

Орденді Асқар Мамин Тәуелсіздіктің 30 жылдығына арналған салтанатты марапаттау рәсімінде табыс етті. Сондай-ақ еңбек ардагерлеріне, министрліктер мен ведомстволардың, ұлттық компаниялардың қызметкерлеріне, бизнес-қауымдастық өкілдеріне мемлекеттік наградалар табыс етілді.

– Тәуелсіздіктің 30 жылдығы – Қазақстан тарихындағы маңызды кезең. Тәуелсіздік – мемлекеттіліктің берік іргетасы, еркіндіктің, тұрақтылық пен ұлтаралық келісімнің нышаны. Біздің тәуелсіздігіміз әрбір қазақстандықтың өз игілігі жолындағы қажырлы еңбегіне толы, – деді салтанатты жиында сөйлеген сөзінде Асқар Мамин.