Мұхтар Тілеуберді жаңа қызметке тағайындалды

ҚР Премьер-министрінің бұрынғы орынбасары, сыртқы істер экс-министрі Мұхтар Тілеуберді жаңа қызметке тағайындалды. Тиісті жарлыққа мемлекет басшысы Қасым-жомарт Тоқаев қол қойды.

Бұл туралы Ақорданың баспасөз қызметі хабарлайды.

«Тілеуберді Мұхтар Бескенұлы Қазақстан Республикасының Австрия Республикасындағы Төтенше және Өкілетті Елшісі, Вена қаласындағы Қазақстан Республикасының халықаралық ұйымдар жанындағы Тұрақты өкілі болып тағайындалды»делінген хабарламада.

Мемлекет басшысының басқа Жарлығымен Әлібек Бақаев Қазақстан Республикасының Австрия Республикасындағы Төтенше және Өкілетті Елшісі, Қазақстан Республикасының Венадағы халықаралық ұйымдар жанындағы Тұрақты өкілі, Қазақстан Республикасының Австрия Республикасындағы Төтенше және Өкілетті Елшісі мен Қазақстан Республикасы Словения Республикасындағы Төтенше және Өкілетті Елшісі қызметінен босатылды.