Метапневмовирустың Қазақстандағы қарқыны: үкімет не дейді?

Білім және ғылым министрі Ғани Бейсембаев метапневмовирусы салдарынан мектептерде шектеу енгізілуіне қатысты сұраққа жауап берді, деп хабарлайды Orda.kz.

Үкіметтегі баспасөз мәслихатында ол қазіргі уақытта шектеу енгізу қажеттілігі туралы ақпарат болмағанын айтты. Бірақ соңғы шешімнің Денсаулық сақтау министрлігіне тиесілі екенін атап өтті.

Премьер-министрдің орынбасары Тамара Дүйсенова жақында министрлік Дүниежүзілік денсаулық сақтау ұйымына жүгінгенін айтты.

 Жалпы, бұл әдеттегі құбылыс, біз бұл кезеңді бірге бастан өткеруіміз керек», — деді Тамара Дүйсенова.

Метапневмовирус жедел респираторлық вирустық инфекциялар тобына жатады. Бұл вирус түрлері Қазақстанда жіті респираторлық вирустық инфекцияжәне тұмау ауруларының маусымдық өсуі кезінде анықталды.

Санитарлық-эпидемиологиялық бақылау комитетінің мәліметінше, эпидемиологиялық маусым басталғаннан бері республика бойынша тұмау емес вирустарға 8360 сынама зерттелген. 1866 оң нәтиже берген сынаманың ішінде метапневмовирустың тек 30 жағдайы анықталған.