Мешітте жойқын жарылыс болды

Өзбекстанда мешітте жарылыс болды, деп хабарлайды Orda.kz. 

Өзбекстанның Әндіжан облысының Ізбасқан ауданындағы Ахмад Қожа мешітінде жарылыс болып, алты адам зардап шекті. 

Тосын жағдай бүгін, 31 наурыз күні сағат 12:19-да болды. Жарылыс салдарынан дәрет алуға арналған ғимарат құлады.

ТЖМ-ның алдын ала мәліметтері бойынша алты адам зардап шекті. Оқиға орнына құтқару қызметтері мен арнайы техника келді. Зардаптарды жоюға шұғыл қызмет қызметкерлері мен жергілікті тұрғындар атсалысты. Жарылыстың мән-жайы нақтыланып, тергеу жүргізілуде.