Мереке Құлкенов Жазушылар одағының төрағасы болып сайланды

Мереке Құлкенов алдағы 5 жылға Қазақстан Жазушылар одағының төрағасы болып сайланды.

Мереке Құлкенов – жазушы, баспагер, Қазақстан Республикасының еңбек сіңірген мәдениет қайраткері (1998). Президент сыйлығының лауреаты (2002). «Достық» орденінің иегері.

1951 жылы 8 қарашада Атырау облысы, Қызылқоға ауданы, Қарабау ауылында дүниеге келген. 1978 жылы Қазақ мемлекеттік университетін бітірген.

Шығармашылық өмірбаянын республикалық баспа басылымдарында, Қазақ телевизиясында бастады, республикалық «Пионер», «Жалын» және «Таң Шолпан» журналдарын, «Ана тілі» және «Қазақ әдебиеті» газеттерін, астаналық баспаны басқарды. «Қазақ газеттері» ЖШС бас директоры.

«Жібек жел», «Таңғы салқын», «Үрей», «Халел Досмұхамедовтың өмірі мен шығармашылығы», «Қазақстан» және т.б шығармалардың, «Махаббат мұнарасы», «Жәңгір хан» пьесаларының авторы.