Мереке күндері Ақмола облысында қауіпсіздікті күшейту жоспарлануда

Өңірде Полиция департаментінің жеке құрамы қызметтің күшейтілген режиміне ауыстырылады.

Ақмола облысы бойынша ПД хабарлауынша, жолдарды, көшелерді және адам көп жүретін жерлерді патрульдік полиция бригадалары тәулік бойы бақылауда ұстайтын болады. Сонымен қатар, жаяу бөлімшелері енгізіледі, Ұлттық ұлан мен біріктірілген полиция күштері тартылады.

Күшейту  алдында облыстық полиция департаментінің басшылығы жеке құрамның дайындығы мен қызметтік көліктердің жай-күйі тексерілді.

Патрульдік бригадаларда дәрі-дәрмек қобдишалары, өрт сөндіргіштер, авариялық тоқтату белгілері болуы керек. Көліктер бейнетіркегіштермен және басқа да қажетті арнайы құралдармен жабдықталған.