«Менің кесірімнен хейт астында қалдың» – Досаев

Досаев картина сыйлаған алматылықтан кешірім сұрады, деп хабарлайды Orda.kz порталы.

Алматы қаласының әкімі Ерболат Досаев Наурызбай ауданы тұрғындарымен кездесу өткізді. Кездесуде Ерболат Досаевқа өзінің суреті салынған картина сыйлап, алғысын жаудырған жігіт те келді, ал оны әкім бірден танып, жігіттен кешірім сұрады.

«Менің кесірімнен хейт астында қалдың. Шын жүректен жасалған сыйлыққа алғысым шексіз. Бірақ мұндай сыйлықтарды дұрыс түсінбей қалатындар бар. Алайда сені ыңғайсыз жағдайға қалдырғаным үшін кешірім сұраймын», - деді әкім.

Тілге тиек етсек, алматылық бұл жолы сыйлығын емес, ұсынысын арқалап келіпті. Ол автобус жолағына қатысты заңды қатаңдатуды сұрады. Жігіттің айтуынша,  автобус жолағына өтіп, өзі 5 рет айыппұл төлеген. Алайда төлем бар болғаны 1,5-5 АЕК мөлшерінде ғана болған.