Мені халқымның болашағы толғандырады - Тоқаев

Парламент палаталарының бірлескен отырысы өтіп, президент Қасым-Жомарт Тоқаев Қазақстан халқына Жолдауын жариялады.

Қазақстан халқына арналған жолдауда мемлекет басшысы маңызды мәселелерге тоқталып, елдің амандығы мен жердің тұтастығынан асқан құндылық жоқ екенін баса айтты.

- Маған елімнің амандығы мен жерімнің тұтастығынан асқан ешбір құндылық жоқ. Мені ең алдымен, халқымның болашағы қалай болатыны толғандырады, - деді Қасым-Жомарт Тоқаев.

Сондай-ақ, президент жаңа Қазақстанды құруда халықты бірлікке шақырды.

- Бізге ешкім сырттан келіп, ештеңе жасап бермейтіні анық, бәрі өз қолымызда. Сондықтан, баршаңызды Жаңа Қазақстанды құруға бір кісідей жұмылуға шақырамын. Халықтың қолдауымен мақсатымызға жетеміз деп сенемін, - деді Тоқаев.