Трансгендерлердің қатысуымен болған ұрыс немен аяқталды?

Нұр-Сұлтан полициясы трансгендермен болған жанжалды тергеп жатыр. Екі жақ тарап бітімгершілікке келді. Бірақ оларды бәрібір қоғамдық орындағы тәртіпті бұзғаны үшін жауапқа тартады.

Бұл туралы Orda.kz хабарлады.

Әлеуметтік желі қолданушылары ашу-ызаға толы жанжалдың видеосын белсенді түрде таратып жатыр.

16 мамыр екі трансгендер қыз сән салонына тырнақ жасатуға келген. Салондағылар олардың сырт келбетіне таңғалып қараған. Ал қызметкерлердің бірі сын айтқан.

Сын арты ұрысқа ұласқан. Жанжалды өтіп бара жатқан адамдар тамашалаған.

Полиция жанжалдың болғанын растады. Ол жастар арасында болған. Барлығы ұсталып, Байқоңыр аудандық полиция бөліміне жеткізілді.

Екі тарап бастапқыда бір-біріне арыз жазған. Артынша бітімгершілікке келген. Алайда, оларға қатысты Әкімшілік іс қозғалған. Жастар қоғамдық орында балағат сөздер қолданғаны үшін айыппұл төлейді.

Куәгердің айтуынша, трансгендер қыз Нұр-Сұлтан тұрғынының бетіне құтыдағы газды шашқан. Полиция ол туралы түсінік бермеді.