«Мен саған ғашықпын»: 43 жастағы мұғалім 7-сыныптағы қыздарға ғашықтық хат жолдаған

Белгілі құқық қорғаушы Ләззат Рақышева әлеуметтік желідегі парақшасына 43 жастағы мұғалімнің жас қыздарға қол жүгірткені туралы ақпарат таратты, деп хабарлайды Orda.kz. 

Алдын ала мәлімет бойынша, 43 жастағы мектеп мұғалімі 7-сыныптағы қыз балаларға түнде хат жолдап жүрген. Оқиға Астанадағы мектептердің бірінде болған. Қыздардың ата-анасы егде жастағы ағай қыздарын құшақтап, түнімен хат жазады деп шағымданды. 

Олардың айтуынша, мұғалім сабақтан тыс уақытта әр қызға ғашықтық хат жолдап, қоңырау шалатын көрінеді. Тіпті дыбыстық хабарламалар да жолдап, жасөспірімдердің мазасын алған. 

Қыздардың ата-анасы мектеп мұғаліміне тиісті жаза қолданылуын талап етіп отыр.