Мен оны қолдадым– Нұрсұлтан Назарбаев Мария Әуезова туралы

Нұрсұлтан Назарбаев қазақстандық альпинист Мария Әуезованы қолдайтынын айтты.

ҚР тұңғыш президентінің сөйлеген сөзінің видеосын Елбасының баспасөз хатшысы Айдос Үкібай Twitter желісінде жариялады. Сондай-ақ, кадрларда Әуезованың жаттығу және тауға шығу сәттері, жаңа протездегі алғашқы қадамдары көрсетілген.

«Мария, тізеден жоғары аяқтары жоғына қарамастан, Эверестке көтерілді, елестете аласыз ба? Жас қыз. Адамның рухы қандай, ерік-жігері қандай. Мен оны қолдадым. Жарайсың, Мария. Сіз жастарға үлгісіз» деді Нұрсұлтан Назарбаев.

Нурсултан Назарбаев: Молодец Мария, ты являешься примером для молодежи! pic.twitter.com/MtesRjwm2r

— Aidos Ukibay (@Aidos_Ukibay) December 14, 2021

Еске салсақ, 13 желтоқсанда Нұрсұлтан Назарбаев пауэрлифтингтен спорт шебері, альпинист Мария Әуезовамен кездесіп, оған мемлекеттік сыйлық табыс етті.

2021 жылдың сәуір айында альпинистер тобы Мария Әуезовамен бірге Эверест базалық лагеріне (5364 метр) және Кала-Патар тауына (5640 метр) сәтті көтерілді. Эверестті аяқсыз бағындырған альпинистің әрекетіне сүйсінген Елбасы ҚХА-ның 29-шы сессиясында қызға протез сатып алуға көмектесуге уәде берді.

Елбасының баспасөз қызметі хабарлағандай, Нұрсұлтан Назарбаев қорының қолдауымен Мария Әуезоваға бионикалық протездер орнатылып, мамандардың бақылауымен бейімделу курсы жүргізілді.