Мен өлсем, оған Қызылорда облысының әкімі кінәлі: Нәлібаевтың сынаған адам ұсталды

«Мейірім Қызылорда» қорының басшысы Асылхан Әбдамитов Қызылорда облысының әкімі Нұрлыбек Нәлібаевтың «мүгедектер мен көп балалы аналарды тонап кеткенін» айтты. Әлеуметтік желілерде шенеунікті сынаған адам «өлі табылды» деген ақпарат пайда болды.

Бұл туралы Arbat.media хабарлайды.

Сонымен, Әбдамитов мұқтаж жандарға жиналған ақшаға Нұрлыбек Нәлібаев «өзіне 15 көлік сатып алды» деп сендірді.

«Мейірім» қоры басшысының айтуынша, әкім осы қор арқылы мұнай компанияларынан ақша жинаған. Әбдамитов барлығы «жүздеген миллион теңгенің» ұрланғанын айтты.

– Өліп кетіп жатсам, сотталып кетіп жатсам осы Қызылорда облысының әкімін Нұрлыбек Мәшбекұлы Нәлібаевтан, Қызылорда қаласының әкімі Асылбаев Өмірбекұлы Шаменовтан, Қызылорда қаласы әкімінің орынбасары Жанмұрат Жақсымұратұлы Сейіловтен көруіңізді сұраймын. Өйткені, сол кісілер барлығына кінәлі, – деп қосты ол осы сөздері үшін қудалануы мүмкін екенін меңзеп.

Сонымен, әлеуметтік желіде ер адамның денесі мұзға қатып қалған видео тарай бастады. Қаза болған адам әкімді айыптаған Әбдамитов екен деген әңгіме тарады.

Қызылорда облысының полицейлері бұл қауесеттердің «жалған және шындыққа сәйкес келмейтінін» хабарлады.

Суретке түсірілген ер адамның мәйітін табу фактісі 2022 жылдың 3 желтоқсанында Қызылорда қаласында, жеке басы анықталған адамның мәйіті қатып қалған арнадан табылған кезде орын алды.

Ал, әкімді сынаған Әбдамитов тірі және Қазақстан Республикасы Қылмыстық кодексінің 189-бабы «Бөтеннің сеніп тапсырған мүлкін аса ірі мөлшерде иемдену немесе жымқыру, яғни ұрлау» бабының 4-бөлігі бойынша күдікті деп танылды.

Оған қатысты 2022 жылғы 22 қарашада Тергеу сотының қаулысымен 2 ай мерзімге қамау түріндегі бұлтартпау шарасы таңдалды.

«Табылған мәйіт пен суреттегі ер адам жарияланған видеоның бір-біріне қатысы жоқ, олар екі түрлі факт. Сондай-ақ, Қазақстан Республикасы Қылмыстық кодексінің 274-бабына сәйкес жалған ақпарат таратқаны үшін қылмыстық жауапкершілік көзделгенін хабарлаймыз» делінген облыстық полицияның хабарламасында.

Нәлібаев бұл қызметте 2022 жылдың сәуір айынан бастап жұмыс істейді. Аз уақыттың ішінде шенеунік жанжалдың ортасына түсіп үлгерді – жергілікті тұрғындар оны жұмыстан шығаруды талап еткенге дейін жетті.

Өйткені, тамыз айында әкім ұлының салтанатты тойынан түсірілген суреттер әлеуметтік желіні шарлап кетті. Бұл суреттерде шенеуніктің ағасы Бердібек Сапарбаевты, қалыңдық пен күйеу жігітті, Қызылорда облысынан келген бірнеше мемлекеттік қызметкерлерді, сондай-ақ басқа да белгілі шенеуніктерді анық көруге болады.

Елімізде Қызылорда облысының әкімі Нұрлыбек Нәлібаевты қызметінен босатуды талап еткен петиция жарияланғанда бұл той төңірегіндегі әңгіме де қызу шарықтады.

«Біз, Қазақстан Республикасының азаматтары, Президент Қасым-Жомарт Тоқаевтан Қызылорда облысының әкімі Нұрлыбек Нәлібаевты қызметінен кетіруін және оның ірі мүлкін, отбасының шығу тегін тексеруді талап етеміз» делінген петиция мәтінінде.