Мен Мәсімовтің командасында жұмыс істеген жоқпын – ҰҚК басшысының орынбасары

Ұлттық қауіпсіздік комитеті төрағасының бұрынғы орынбасары Кәрім Мәсімовтің ісіне ҰҚК төрағасының орынбасары Асқар Әмірханов түсініктеме берді.

Комитет басшысы орынбасарының айтуынша, Мәсімов жұмысқа қаңтар айының басында келген. Бірақ Әмірханов тергеу құпиялылығына сілтеме жасай отырып, комитеттің бұрынғы төрағасы қандай бұйрық бергенін айтпады.

«Күзге қарай біраз дүние түсінікті болады деп ойлаймын» деді генерал-майор Мәжіліс алаңында журналистердің сауалдарына жауап беріп.

Қазір қаңтар оқиғасы бойынша ҰҚК органдарының жеті қызметкері тергелуде: комитеттің бұрынғы төрағасы мен оның орынбасарлары, бесінші басқарма бастығы, сондай-ақ ҰҚК-нің аумақтық департаменттерінің басшылары.

Мемлекетке опасыздық жасау, билікті күшпен басып алуға дайындық, билікті асыра пайдалану баптары бойынша тергеу жүріп жатыр. ҰҚК департаменттерінің бұрынғы басшылары да әрекетсіздікке қатысты күдікке ілінді.

Әмірхановтың айтуынша, ол ұлттық қауіпсіздік органдарында 25 жыл қызмет еткен, бірақ өзін «Кәрім Мәсімов командасының» мүшесімін деп санамайды.

«Мен үшін команда маңызды емес, мен мемлекет үшін жұмыс істеймін» деді ол.

Әмірханов 9 қаңтарда ҰҚК бастығының орынбасары болып тағайындалған, оған дейін ол департаменттердің бірін басқарған.