«Мен Kia жүргіземін және бұған ұялмаймын»: өнеркәсіп министрі жұмыс көлігі туралы айтты

Журналистер Индустрия және құрылыс министрі Қанат Шарлапаевтан қандай қызметтік көлік мінетінін сұрады, деп хабарлайды Orda.kz порталы.

Министр шенеуніктер қызметтік көліктерді таңдамайтынын, оны Президент Әкімшілігі беретінін баса айтты.

«Мен Kia көлігін жүргіземін. Мен бұған мүлдем ұялмаймын. «Бәйтеректе» жұмыс істеген кезімде үлкен «Мерседес» көлігім болатын. Содан кейін ауыстырып, Элантра міндім», – деді Шарлапаев үкіметте өткен баспасөз мәслихатында.