Мемлекеттік қызметшілер жұмысқа ұлттық киім киеді

Петропавлда мемлекеттік қызметшілер Наурыз мерекесіне орай бір апта бойы жұмысқа ұлттық киім киеді, деп хабарлайды Orda.kz тілшісі.

Наурыз мейрамына орай мемлекеттік қызметшілер классикалық киім үлгісін ұлттық нақыштағы киімдерге ауыстырды. Челленджді бастаған қалалық әкімдік қызметкерлері осылайша қазақтың ою-өрнегі бар киімдерді бір апта бойы қызмет орнында киіп жүрмек.

— Біз өзіміз ғана киіп қоймай, әріптестерімізді де ұлттық киім киюге шақырып, челлендж бастадық. Мәселен әкім орынбасарлары аудан әкімдерінің орынбасарларына, бөлім басшылары өз әріптестері мен облыс әкімінің баспасөз хатшысына жолдадым, - дейді Руфия Мұстафина.

Петропавлда биыл пандемияға байланысты Наурыз мейрамында халық көп шоғырланатын ойын-сауықтық бағдарламаларға тыйым салынып, мерекелік іс-шаралар онлайн ұйымдастырылатын болады.