Мемлекеттік қызметшілер  декларациясында қандай мәліметтер болуы керек

Мемлекеттік кірістер департаменті заңнама талаптарын түсіндірді.

Маңғыстау облысы бойынша Мемлекеттік кірістер департаменті 2021 жылы кіріс декларациясын тапсырған мемлекеттік қызметшілер, сондай-ақ оларға теңестірілген адамдар және олардың жұбайлары (250.00-форма) ағымдағы жылы кірістері мен мүлкі туралы декларацияны (270.00-форма) тапсыратынын еске салды.

Кірістер мен мүлік туралы декларацияда алынған кірістермен қатар шетелдік  банктік шоттардағы ақша туралы және Қазақстан Республикасынан тыс жерлердегі мүлік туралы мәліметтер, мүлікті сатып алу немесе иеліктен шығару туралы мәліметтер көрсетілуі тиіс.

Егер 2021 жылы сіз мемлекеттік немесе өзге де тіркеуге жататын мүлікті не құқықтар немесе мәмілелер мемлекеттік тіркеуге жататын мүлікті сатып алсаңыз (алсаңыз) немесе сатсаңыз (берсеңіз), онда мұндай мәміленің фактісі осы декларацияда көрсетілуі тиіс.

Сонымен қатар, егер есепті жылы мүлікке меншік құқығы (жылжымайтын мүлік, көлік құралдары, заңды тұлғаларға қатысу, бағалы қағаздар, инвестициялық алтын, туынды қаржы құралдары, тұрғын үй құрылысына қатысу) пайда болған жағдайда, осы мүлікті сатып алу шығындарын өтеу көздері, сондай-ақ тұрғын үй құрылысына қатысу туралы ақпаратты көрсету қажет.

Айта кетейік, есепті салық кезеңі 2021 жыл. Тиісінше, 2021 жылы жасалған барлық осы транзакциялар міндетті түрде декларациялануға жатады.

Декларацияны ұсынудың соңғы мерзімі: 15 шілдеге дейін – қағаз жүзінде; 15 қыркүйекке дейін – электронды түрде.