Мемлекеттік қызметтерді ЖИ алмастыруы мүмкін

Қазақстан Microsoft корпорациясымен бірлесе отырып мемлекеттік қызметтерге жасанды интеллект жүйесін енгізуі мүмкін.

Бұл туралы Цифрлық даму инновациялар және аэроғарыш өнеркәсібі министрлігі хабарлады.
 
АҚШ-қа жұмыс сапарымен барған министр Жаслан Мәдиев  Microsoft компания өкілдерімен мемлекеттік технологиялық қызметтерде жасанды интеллект технологияларын пайдалану жолдарын талқылады. ЖИ интеграциясы мемлекеттік қызметтердің тиімділігі мен сапасын айтарлықтай арттырып, оларды азаматтарға қолжетімді ете алатынын атап өтті.
 
Сонымен қатар әртүрлі платформаларға, соның ішінде дербез компьютер мен мобильді құрылғыларға арналған Copilot сияқты шешімдерді енгізу мәселесі де қарастырылды. Сондай-ақ осы технологияларды қолданыстағы Microsoft платформаларымен және басқа клиенттік жүйелермен интеграциялау керектігі айтылды. Ал икемділік пен ауқымдылықты арттыру үшін гибридті бұлтты пайдалану мәселелеріне де тоқталды.

«Министірлік Microsoft корпорациясымен Azure деректер орталығын құру бойынша келіссөздерді жалғастырып жатқанын хабарлады. Бұл жоба бұлтты инфрақұрылымды дамытуға бағытталған және елдің цифрлық трансформациясына ықпал етеді», – деп қосты ведомство.