Мемлекеттік қызмет істері агенттігінің бұрынғы басшысы Анар Жайылғанова қайтыс болды

12 ақпан күні 55 жасында Мемлекеттік қызмет істері агенттігінің бұрынғы төрағасы Анар Жайылғанова дүниеден өтті.

Ол Семей қаласының тумасы, 10.07.1969 жылы туған.1991 жылы С.М.Киров атындағы Қазақ мемлекеттік университетін  заңгер, мамандығы бойынша бітірген. 2003 жылы жоғары банк ісі мектебінің қаржы және несие факультетін салық және салық салу мамандығы бойынша бітірді. Ұлттық ғылым академиясының Мемлекет және құқық институтының аспиранты (1992-1993).

1991-1997 жылдары - Қазақстан Республикасы Ғылым академиясының Мемлекет және құқық институтының кіші ғылыми қызметкері, Оңтүстік Қазақстан облыстық сотының азаматтық істер жөніндегі аға консультанты қызметтерін атқарды.

1997-1999 жылдары - Оңтүстік Қазақстан облыстық сотының судьясы.

1999-2000 жылдары - Әділет министрлігі Соттардың қызметін ұйымдастыру департаменті сот жүйесін талдау және жетілдіру бөлімінің бастығының орынбасары, бастығы. Президент әкімшілігінің мемлекеттік-құқықтық бөлімінің аға сарапшысы.

2000-2004 жылдары - Жоғарғы Сот төрағасының кеңесшісі.

2004-2008 жылдары - Жоғарғы Соттың судьясы.

2008-2018 жылдары - конституциялық кеңестің мүшесі.

2018-2019 жылдары – Мәжіліс депутаты – Заңнама және сот-құқықтық реформа комитетінің мүшесі.

2019 жылғы маусымнан 2022 жылғы 11 қаңтарға дейін – Мемлекеттік қызмет істері агенттігінің төрағасы.