Мемлекеттік күзет қызметі астаналықтарға ескерту жасады

Астана қаласында қоғамдық-саяси шараларды өткізуге байланысті бірнеше көшелер жабылады.

Бұл туралы  мемлекеттік күзет қызметі хабарлады.

«Қоғамдық-саяси шараларды өткізуге байланысты биылғы жылдың 7 және 10 тамыз аралығында қаланың жекелеген көшелерінде, негізінен «Есіл» (Оңтүстік айналма жол, Қабанбай батыр, Мәңгілік Ел, Ұлы Дала даңғылы, Достық, Керей-Жәнібек хандары көшелері), «Нұра» (Тұран, Ұлы Дала даңғылы) және «Алматы» (Тәуелсіздік даңғылы, Ж.Нәжімеденов, Қ.Аманжолов көшелері) ауданында көлік құралдары мен жаяу жүргіншілер қозғалысына уақытша шектеу енгізіледі» деді күзет қызметі.

Іс-шаралар арнаулы мемлекеттік және құқық қорғау органдарының, сондай ақ ҚР Қарулы күштерінің, оның ішінде әскери авиация ресурстарын пайдалануды көздейді.

Мемлекеттік күзет қызметі Астана тұрғындары мен қонақтарын қауіпсіздікті қамтамас ету бойынша жүргізіліп жатқан іс-шараларға түсіністікпен қарауды өтінеді.