Мемлекеттік бюджетінің шығыстары 1,3 трлн теңгеге өседі

Алдағы үш жылға арналған мемлекеттік бюджеттің шығыстарын 1,3 трлн теңгеге ұлғайту жоспарланып отыр. Шығыстардың жалпы көлемі 15 трлн теңге болады.

Бұл туралы Orda.kz хабарлады.

Заң жобасы 2021-2023 жылдарға арналған макроэкономикалық көрсеткіштердің 2021 жылғы сәуірдегі болжамын нақтылауға байланысты әзірленді:

• 2025 жылға дейінгі «Нұр Отан» партиясының «Өзгерістер жолы: барлығына лайықты өмір» сайлауалды бағдарламасының іс-шаралары;
• 2020 жылғы 1 қыркүйектегі «Қазақстан жаңа нақтылықта: әрекет ету уақыты» атты Қазақстан халқына Жолдауында айтылған Президенттің тапсырмалары;
• COVID-19-пен күресу шаралары.

Республикалық бюджеттің нақтыланған шығындары бюджетке қатысты 1 трлн 277 млрд 712 млн 468 мың теңгеге өсіп, 15 трлн 333 млрд 981 млн 44 мың теңге деңгейінде болжануда.

Шығыстарды арттырудың негізгі бағыттары коронавируспен күресуге байланысты іс-шараларға бөлінеді – 265 млрд 303 млн 716 мың теңге.

Атап айтқанда:

• коронавирустық инфекция бойынша карантиндік шараларға қатысатын медициналық қызметкерлерге қосымша төлемдер - 69 млрд 533 млн 963 мың теңге;
• коронавирустық инфекцияның COVID-19 таралуын болдырмау мақсатында стационарлық медициналық көмек көлемін өтеу бойынша медициналық қызметтер, сондай-ақ ПТР зерттеулерін жүргізу - 80 млрд 363 млн 677 мың теңге;
• үкімет резервінің ұлғаюы - 100 млрд теңге;
• иммунобиологиялық препараттар шығаратын биофармацевтикалық зауыттың құрылысын аяқтау - 1 млрд 597 млн 008 мың теңге;
• отандық кандидат COVID-19 коронавирустық инфекциясына қарсы вакцинаның клиникалық зерттеулерінің I / II және III фазаларын жүргізу - 1 млрд 423 млн 989 мың теңге;
• жеке қорғаныс құралдарын сатып алу - 12 млрд 385 млн 079 мың теңге.