Мемлекеттік бағдарлама бойынша пәтер алуға жалған уәде берген

Мемлекеттік бағдарлама бойынша пәтер беруге уәде берілген, дегенмен апелляциялық сот үкімді өзгеріссіз қалдырды.

Жамбыл облысының тұрғыны Манар Ақтөреева бірнеше рет алаяқтық жасағаны үшін кінәлі деп танылды. Тергеушілердің айтуынша, әйел азаматтарды мемлекеттік бағдарлама бойынша пәтер алуға көмектесемін деп алдап кеткен.

Іс Сарысу аудандық сотында қаралды. Сот Манар Ақтөрееваны Қазақстан Республикасы Қылмыстық кодексінің 190-бабы 3-бөлігінің 4-тармағы «Бірнеше рет жасалған алаяқтық» бойынша кінәлі деп таныды.

Жамбыл облыстық сотының апелляциялық алқасы бірінші инстанцияның шешімін өзгеріссіз қалдырды, бірақ жаңа ұйғарым жариялады. Онда  Жамбыл облыстық полиция департаментінің бастығы мен облыс прокурорынан бір ай мерзімде куәгерлер Рамазанова мен Каштанованың әрекетіне құқықтық баға беруді сұралды.

Жәбірленушілердің екеуі  Ақтөрееваға, қалғандары куәгерлер Рамазанова мен Каштановаға ақша берген.

Ақтөреева зардап шеккендерге мемлекеттік бағдарлама бойынша ақылы түрде пәтер алуға көмектесуге уәде береді. Сот оны бес жылға бас бостандығынан айыру жазасын орташа қауіпсіздік мекемесінде өтеуге үкім етті. Сонымен қатар, ол 13 жәбірленушінің материалдық шығынын өтеуі тиіс. Жұрттан алынған қаражат – 160 мың теңгеден 1,8 млн теңгеге дейін. Жалпы жиыны сегіз миллион теңгеден асады.

Бұған дейін Манар Ақтөреева Қазақстан президенті Қасым-Жомарт Тоқаевқа оның ісіне назар аударуды сұрап хат жазған. Әйел жәбірленуші өзі екенін, тергеу барысында оны адастырып, заңсыз әдістермен айғақтар алынғанын айтады.

 Исламбек Дастан