Мемлекетке 1,5 млрд теңге залал келтірген топ ұсталды

Қаржы мониторингі агенттігі пайда табу мақсатында шет мемлекеттерден көліктерді заңсыз тіркеген топты анықтады.

Бұл туралы ведомcтвоның баспасөз қызметі хабарлады.

Олар 2021 жылдың маусым-тамыз айлары аралығында Павлодар облысында 150-ден астам жүк көлігін қаржылай сыйақы алу үшін заңсыз тіркеген. Ол үшін олар ақпараттық жүйеде жалған түбіртектерді және жалған мәліметтерді пайдаланып, тіркеу және кәдеге жарату алымдарын төлеуден құтылуға мүмкіндік беріп, мемлекетке 1,5 миллиард теңгеден астам залал келтірді.

Заңсыз тіркелген көліктердің барлығы тәркіленді. Күдіктілер үйқамаққа және уақытша изоляторға қамауға алынды.