Мемлекетік қызметкерлер енді бизнеспен айналыса алады

Қазақстанда мемлекеттік қызметкерлерге бизнеспен айналысуға рұқсат беріледі,  деп хабарлайды Orda.kz.

Мәжіліс мемлекеттік қызметкерлерге кәсіпкерлік қызметпен айналысуға рұқсат беретін заң жобасын бірінші оқылымда қолдады. Бірақ белгілі шарттармен. Сонымен қатар, үкімет мүшелері өздерінің тұрғын үйін жалға беруге де мүмкіндік алады.

Құқық қорғау органдарының жемқорлыққа қарсы заңнамасына енгізілетін тиісті өзгерістер Конституциялық сот шешіміне байланысты. 

«Бұл ретте мемлекеттік кәсіпорындарда, коммуналдық кәсіпорындарда, сондай-ақ мектептер мен ауруханаларда басқару функцияларын атқаратын тұлғалар, яғни бірінші басшылар, олардың орынбасарлары, мемлекеттік сатып алулар департаментінің басшылары, филиалдардың басшылары қамтылады», — деп атап өтті Антикордың орынбасары Ұлан Сарқұлов. 

Дегенмен, сайлау комиссияларындағы, Ұлттық банктегі, Қаржы нарығын реттеу және дамыту агенттігіндегі және авиациялық әкімшіліктегі маңызды лауазымдарды атқаратын қызметкерлер үшін шектеулер сақталады. Сонымен қатар, ұлттық холдингтер мен компаниялардың басшыларына тыйым сақталады.