Мемлекетаралық іздеуде жүрген кәсіпкер Жексенғалиев ұсталды

Бюджет қаржысын жымқырды деп айыпталған Әнуарбек Жексенғалиев қамауға алынды.

«Мемлекетаралық іздеуге жарияланған Әнуарбек Болатұлы Жексенғалиевті Алматы қаласы бойынша ІІД аумақтық департаменті қызметкерлері ұстады. Еске салайық, Ә.Жексенғалиев КТС қайтару түріндегі 1,1 млрд теңге көлемінде бюджет қаражатын ұрлаумен айналысқан» делінген ведомство хабарламасында.

Міне, Жексенғалиев пен оның «сыбайласы» Еркін Медетбековтің кім екені және олардың миллиардтаған мемлекет қаржысын ұрлау мүмкіндігіне ие болғаны жұмбақ күйінде қалып отыр.

Жексенғалиев Нұр-Сұлтандағы «Зекет» қайырымдылық қоры өкілдігінің директоры бола тұра, жағдайды өзгерте алады деп болжанған. Бұл қор Қазақстан мұсылмандары діни басқармасының жанында жұмыс істеді. Бірақ САМҚ мұндай болжамды жоққа шығарып, кәсіпкердің оларға еш қатысы жоқ екенін, ешқашан директор болмағанын және тек қайырымдылық жасағанын айтты. Олар сондай-ақ қордан ақша ұрланғанын жоққа шығарып: «Зекет» мемлекеттік бюджеттен ақша алмайтынын айтты.

Тағы бір нұсқасы бойынша Медетбеков Қарағанды ​​облысы бойынша Мемлекеттік кірістер департаментінің өндірістік емес төлемдерін басқарған кезінде КТС қайтару бойынша мәмілені тапсыруға мүмкіндік алған. Барлығы 2019-2020 жылдары бір күндік фирмалар арқылы жүргзіліді деп болжануда. Олар арқылы 1,1 миллиард мемлекет қаражатының табыс салығы «қайтарылды». Айтпақшы, Жексенғалиев бірнеше шағын жеке кәсіпкерлік пен жауапкершілігі шектеулі серіктестіктердің иесі. Оның үстіне салық төлеп тұрған.

Бірақ агенттік бұл істің ресми нұсқасын әлі жариялаған жоқ.

25 сәуірде кәсіпкерге іздеу жарияланған болатын. Жексенғалиевпен бірге бұл іске Еркін Медетбеков қатысты, ол әлі табылған жоқ. Екеуі де корпоративтік табыс салығын қайтару түрінде мемлекеттік бюджеттен 1,1 миллиард теңге ұрлады деген күдікке ілінді.

Олардың жүрген жері туралы ақпарат үшін ақшалай сыйақы беруге уәде берілген.