«Мемлекет ешкімді баспанасыз қалдырмайды»-Бектенов

Ақтөбеде Олжас Бектеновтың төрағалығымен республикалық штаб отырысы өтті, деп хабарлайды Orda.kz порталы.

Штаб басшысының орынбасары Қанат Бозымбаевтың есебі тыңдалды. Болжамға бойынша жақында күннің күрт жылынуы мен жауын-шашын болуы мүмкін дейді.

Премьер-Министр жөндеуге жарамды тұрғын үйлер мен инфрақұрылымның сапасына ерекше назар аудару қажет екенін атап өтті.

«Мемлекет басшысының тапсырмасымен су басқан үйлердің барлығы құжаттарының бар-жоғына қарамастан, қалпына келтірілетін болады. Мемлекет ешкімді баспанасыз, далада қалдырмайды. Осындай қиын жағдайда ірі, орта бизнес, сондай-ақ кішігірім компаниялар және елдің тағдырына бей-жай қарамайтын қарапайым азаматтар қол ұшын созып жатыр. Бюджет қаражатына қосымша тұрғын үйлерді қалпына келтіруге, жоғалған мүлік пен мал шығынын өтеуге бағытталатын қомақты сома жиналды. Мердігер компаниялар осындай қиын жағдайды бизнеске айналдырмайды және барлық қаражат мақсатты  жұмсалады деп сенемін», — деді ол.