Мемлекет басшысы Астана қаласының әкімін қабылдады

cover Фото: Ақорда

Мемлекет басшысы Астана қаласының әкімі Жеңіс Қасымбекті қабылдады, деп хабарлайды Orda.kz. 

Қала әкімі елорданың әлеуметтік-экономикалық және инфрақұрылымдық дамуы жөнінде есеп берді. 

Әкімнің мәліметінше, биылғы 9 айда тартылған инвестиция көлемі 1 триллион 140 миллиард теңгені құраған. Бұл – 2023 жылдың осы кезеңімен салыстырғанда 16 пайызға жоғары.

Сонымен қатар қала әкімі жылыту маусымы жөнінде баяндады. Былтыр «Оңтүстік-Шығыс» газ жылу станциясын, «Тұран» газ жылу станциясы мен үшінші жылу электр орталығының бірінші кезеңдерін пайдалануға беру нәтижесінде қалада жылу қуаты алғаш рет артығымен өндіріле бастаған. Аталған нысандар Астананы 1100 Гкал/cағаттан астам жылу қуатымен қамтамасыз еткен. Жыл соңына дейін «Тұран» газ жылу станциясының екінші кезеңін аяқтау жоспарланып отырған көрінеді. Сол кезде шаһарға қосымша 250 Гкал/сағат жылу беріледі екен.

 «Қазір жалпы қуаты 970 Гкал/сағат болатын «Тельман» газ жылу станциясын салу және «Оңтүстік-Батыс» газ жылу станциясын жобалау жұмыстары жүргізіліп жатыр», - деді әкім. 


Жаңалықтар

барлық жаңалықтар