Мектепті жөндеуге жиналған 114 теңге қайтарылды

Жөндеу жұмыстарына жиналған 114 мың теңге алматылық оқушылардың ата-аналарына қайтарылды

Антикор ата-аналардың гимназия әкімшілігіне хабарламай, сыныптарды жөндеуге ақша жинағанын анықтады.

Ата-аналардан жиналған ақша кеңседегі жиһаздарды жаңартып, орындықтарды қалпына келтіруді көздеген, деп хабарлайды Orda.kz. Алматы қалалық сыбайлас жемқорлыққа қарсы қызметінің баспасөз қызметіне сілтеме жасап.

Әлеуметтік желіде Алматыдағы № 159  Ы.Алтынсарин атындағы гимназия оқушыларының ата-аналары жөндеуге ақша жинағаны туралы ақпарат жарияланды.

Білім басқармасымен бірлесе жүргізілген егжей-тегжейлі тексеру нәтижесінде мектептің жыл сайын бюджет есебінен жөндеу жұмыстары жүргізілетіні белгілі болды. Биыл бұл мақсаттарға бюджеттен 15 миллион теңге бөлініп, байқау жеңімпазы қызмет көрсетуші мекеме анықталды.

«Комиссия ата-аналармен түсіндірме жұмыстарын жүргізіп, 114 мың теңге ақша ата-аналарға қайтарылды. Бақылауды әлсіреткені үшін № 159 гимназия директорына қатысты тәртіптік шара қолданылды» деп хабарлады Антикор.

Айтпақшы, тек 2022 жылдың өзінде Антикорға білім беру ұйымдарында заңсыз ақша жинау туралы 40-тан астам өтініш келіп түскен.