Мектептерде бірыңғай сынып сағаты өтеді

24 мамырда барлық мектептерде оқу жылының аяқталуына арналған сынып сағаттары ұйымдастырылады, деп хабарлайды Orda.kz ҚР Білім министрлігіне сілтеме жасап.

Онда сынып жетекшілері оқушылармен бірге оқу жылын қорытындылайды.

«Су тасқыны жағдайына байланысты сабақтар қашықтан жүргізілетін өңірлерде сынып сағаттары онлайн режимде өтеді», - деді тәрбие жұмысы және қосымша білім беру департаменті директорының орынбасары. 

Түлектерді «Алтын белгімен»  марапаттау және сертификат тапсыру 19-22 маусым аралығында өтеді. Салтанатты іс-шаралар, банкеттер мен көлікпен жүруге тыйым салынады.