Мектептегі оқушылар «тас дәуіріндегі» партада отыр – депутат

2024 жылы ұлы суретші Әбілхан Қастеевтің туғанына – 120 жыл болады. Тұрғындардың өтініші бойынша депутат Жанарбек Әшімжан мектеп жағдайымен танысып қайтты.

Алматы облысында іссапармен жүрген Мәжіліс депутаты Алты үй ауылындағы мектептің жағдайы нашар екенін жеткізді.

– Тұрғындардың өтініші бойынша қылқалам шеберінің алтын бесігі Панфилов ауданы Алты үй ауылындағы Ә.Қастеев атындағы мектептің жағдайымен арнайы барып таныстық. Ашығын айту керек, білім ошағының бүгінгі жай-күйі адам аярлық… Бұл ауылға жаңа мектеп салу керек, қолданыстағы 730 бала оқитын мектеп қабырғасы сетінеп, қираудың аз-ақ алдында тұр… Шәкірттер «тас дәуіріндегі» партада отыр, - деп жазды депутат Facebook парақшасында.