«Мектепте бомба бар!»: Қарағандыда жалған хабарлама жасаған оқушы ұсталды

Қарағандыда құқық қорғау органдары Ы.Алтынсарин атындағы мектеп-лицейде екі рет жарылғыш заттар туралы жалған хабарлама жасаған кәмелетке толмаған жасөспірімге қарсы қылмыстық іс қозғады, деп хабарлайды Orda.kz.

 Ішкі істер министрлігінің мәліметіне қарасақ, жағдай 2 және 3 қыркүйекте болған, сол кезде төтенше жағдайлар департаментіне қаладағы мектеп оқушысы ретінде өзін таныстырған адамнан қоңыраулар түскен.

Тексеру нәтижесінде жарылғыш заттар анықталмады, және жедел-іздестіру шаралары барысында «жалған ақпар беруші» мектеп оқушысы анықталды. Оның әрекеттерінің себебі сабаққа бармау ниеті екені мәлім болды. Оқушының ата-анасы да тәрбиелік міндеттерін орындамағаны үшін әкімшілік жауапқа тартылатын болады. Тергеу шаралары жалғасып жатыр.