Мектеп оқушылары зайырлылық және дінтану негіздері оқитын болды

Оқу-ағарту министрлігі орта білім беру ұйымдарына арналған оқулықтардың тізімін кеңейтуді жоспарлап, олардың қатарына бірнеше кітаптың тізімін қосты. Жоба Ашық НҚА порталында жарияланды.

Министрлік 5, 6, 7 сыныптарға арналған «Француз тілі», «Неміс тілімен» қатар бірнеше кітаптар тізімін көрсетті. Олардың ішінде 9-сыныпқа арналған «Зайырлылық және дінтану негіздері» пәні бойынша оқулықтар мен оқу-әдістемелік кешендер бар: 

• 7, 8, 9, 10-сыныптарға арналған «Алгебра», «Геометрия», «Биология» қостілді оқулықтары;
• көзі көрмейтін білім алушыларға арналған Брайль қарпімен әзірленген 4, 6-сыныптарға арналған оқулықтар;
• көзі нашар көретін білім алушылар үшін үлкейтілген қаріпті 10, 11-сыныптарға арналған оқулықтар;
• 1-11 сыныптарға арналған жаңа цифрлық оқу басылымдары қосылған.